हिमालयन पावर पार्टनर : कम्पनी विश्लेषण (शुक्रवार, १६ फागुन २०७६)

यस कम्पनीले लमजुङमा दोर्दी खोलाको पानी उपयोग गरी २७ मेगावाट क्षमताको जलविद्युत् आयोजना निर्माण गरिरहेको छ । यो आयोजनाबाट २०७६ चैत ३० गते गतेदेखि व्यापारिक उत्पादन शुरू गर्ने लक्ष्य कम्पनीको छ । यस अघि २०७६ भदौ १४ गतेदेखि व्यापारिक उत्पादन गर्ने लक्ष्य भए पनि बाढी, पहिरो तथा ट्रान्समिशन लाइनको निर्माणमा भएको ढिलाइका कारण मिति पर सरेको हो । आयोजना निर्माण सम्पन्न नहुँदा कम्पनीले आम्दानी गर्न सकेको छैन । आयोजना निर्माण कार्य सम्पन्न नभएकाले व्यापारिक आम्दानी नभएको र प्रशासनिक खर्चलाई सोही आयोजनामा पूँजीकृत गरिएकाले प्रतिशेयर आम्दानी गणना नगरिएको कम्पनीले जानकारी दिएको हो । बिहीवार कम्पनीको शेयरमूल्य रू. १६२ कायम भएको हो । 

कम्पनीको ६५ दिनको कारोबार अवधिको अन्तिम दिन ड्रयागन फ्लाई जोडी बुलिस आकृति बनेको छ । यस्तो आकृतिले कम्पनीको शेयरमूल्य आगामी दिनमा बुलिसमा रिर्भस हुने संकेत गर्दछ । आरएसआई न्युट्रल जोन ५६ दशमलव २७ विन्दुमा छ । यसले शेयर खरीद विक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ३ दशमलव १२ विन्दुमा छ । उतारचढाव न्यून रहेको छ । यस्तो अवस्थामा कम जोखिम र प्रतिफल पनि कम हुने गर्दछ । त्यस्तै कम्पनीको मुभिङ एभरेज २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्यरेखा यी दुवै मूल्यरेखाभन्दा माथि छ । बिहीवारको शेयरमूल्य रू. १६२ देखि बजारको अवस्था परिवर्तन भई सस्तिएमा रू. १५२ मा टेवा र महँगिएमा रू. १६९ मा प्रतिरोध पाउने देखिन्छ । 

प्रतिक्रिया [0]