ङादी ग्रूप पावर : कम्पनी विश्लेषण (बिहीवार, २२ फागुन २०७६)

यही फागुन २७ गते छैटौं वार्षिक साधारणसभा गर्न लागेको यो कम्पनीले १० प्रतिशत नगद लाभांशको प्रस्ताव पनि सभामा पेश गर्दैछ ।  साधारणसभा र लाभांश प्रयोजनका लागि कम्पनीले फागुन १५ गते एक दिन बुक क्लोज गरेको छ । फागुन १४ गतेसम्म कायम शेयरधनीले मात्र सभामा भाग लिन र लाभांश पाउन सक्नेछन् । दोस्रो त्रैमासमा कम्पनीले रू. ४ करोड ४१ लाखभन्दा बढी नाफा गरेको छ । विद्युत् विक्रीबाट यस अवधिमा कम्पनीले रू. ८ करोड ४७ लाखभन्दा बढी आम्दानी गरेको छ । जगेडा कोषमा रू. १० करोड ८९ लाखभन्दा बढी छ । वार्षिक प्रतिशेयर आम्दानी रू. १६ दशमलव ४८ रहेको कम्पनीको बुधवारको अन्तिम शेयरमूल्य रू. ५ ले घटेर रू. ११७ कायम भएको छ ।

कम्पनीको ६६ दिनको कारोबार अवधिको अन्तिम दिन ब्ल्याक ओपनिङ मारुबोजु आकृति बनेको छ । यो आकृतिले कम्पनीको शेयरमूल्य घट्ने संकेत गर्दछ । आरएसआई न्यूट्रल जोन ३९ दशमलव ४५ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट््यान्डर्ड डेभिएशन ७ दशमलव ४९ विन्दुमा छ । उतारचढाव न्यून रहेको छ । त्यस्तै कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्यरेखा यी दुवै मूल्यरेखा भन्दा तल छ । बुधवारको शेयरमूल्य रू. ११७ देखि बजारको अवस्था परिवर्तन भई मूल्य महँगिएमा रू. १४९ मा प्रतिरोध र सस्तिएमा रू. ११० देखि ११५ मा टेवा पाउने देखिन्छ । 

प्रतिक्रिया [0]