स्ट्यान्डर्ड चाटर्ड बैंक : कम्पनी विश्लेषण (मंगलवार, २७ फागुन २०७६)

यस वर्ष २२ दशमलव ५० प्रतिशत नगद लाभांश दिएको स्ट्यान्डर्ड चार्टड बैैंकको दोस्रो त्रैमाससम्म वितरणयोग्य नाफा रू. १ अर्ब ३ करोड रहेको छ । बैंकले यस अवधिसम्म रू. १ अर्ब २२ करोड नाफा कमाएको छ । चूक्तापूँजी रू. ८ अर्ब १ करोड रहेको कम्पनीले जगेडा कोषमा रू. ५ अर्ब ९ करोड रहेको छ । चालू आवको दोस्रो त्रैमाससम्म कम्पनीले रू. ८० अर्ब ५४ करोड निक्षेप संकलन गरेको छ भने रू. ५४ अर्ब २९ करोड कर्जा प्रवाह भएको छ । प्रतिशेयर आम्दानी रू. ३० दशमलव ६३, मूल्य आम्दानी अनुपात १९ दशमलव १३ र प्रतिशेयर नेटवर्थ रू. १७९ दशमलव शून्य ३ छ । बिहीवार यस बैंकको अन्तिम शेयरमूल्य रू. ७०० कायम भएको छ ।

कम्पनीको ६५ दिनको कारोबार अवधिको अन्तिम दिन ड्रागन फ्लाइ डोजी बनेको छ । यस्तो आकृतिले कम्पनीको शेयरमूल्य आगामी दिनमा अन्योलताको संकेत गर्दछ । आरएसआई न्यूट्रल जोन ५३ दशमलव शून्य ८ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ३९ दशमलव ७५ विन्दुमा छ । उतारचढाव सामान्य रहेको छ । यस्तो अवस्थामा कम जोखिम र प्रतिफल पनि कम हुने गर्दछ । त्यस्तै कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्यरेखा यी दुवै मूल्यरेखाको बीचमा छ । बिहीवारको शेयरमूल्य रू. ७०० देखि बजारको अवस्था परिवर्तन भई सस्तिएमा रू. ६५८ मा टेवा र महँगिएमा रू. ७४५ मा प्रतिरोध पाउने देखिन्छ । 

प्रतिक्रिया [0]