आरएमडीसी लघुवित्त : कम्पनी विश्लेषण (बुधवार, २८ फागुन २०७६)

गत आवको दोस्रो त्रैमासमा रू. १४ करोड ६८ लाख २८ हजार खुद नाफा गरेको कम्पनीले यस वर्ष रू. १४ करोड ६१ लाख ६६ हजार नाफा गरेको छ । गत आवको दोस्रो त्रैमासको तुलनामा चालू आवको दोस्रो त्रैमासमा नाफा थोरै प्रतिशतले मात्र घटेको हो । चालू आवको दोस्रो त्रैमासमा सञ्चालन मुनाफामा कमी आएसँगै कम्पनीको नाफामा कमी आएको हो । कम्पनीको चूक्तापूँजी रू. ८९ करोड ९३ लाख छ । यस वर्ष शेयरधनीलाई १२ दशमलव ५ प्रतिशत बोनस शेयर र १२ दशमलव ५ प्रतिशत नगद लाभांश दिएको हो ।  मंगलवार कम्पनीको शेयरमूल्य रू. ७४२ कायम भएको छ ।

कम्पनीको ६० दिनको कारोबार अवधिको अन्तिम दिनमा फोर प्राइस डोजी आकृति बनेको छ । यस्तो आकृतिले कम्पनीको शेयरमूल्य अगामी दिनमा घट्ने वा बढ्ने कुनै पनि निश्चित संकेत गर्दैन । आरएसआई न्यूट्रल जोन ४९ दशमलव ५७ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ३२ दशमलव २० विन्दुमा छ । उतारचढाव सामान्य छ । यस्तो अवस्थामा जोखिम पनि कम हुने र प्रतिफल पनि कम प्राप्त हुने गर्दछ । त्यस्तै कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्यरेखा यी दुई रेखाभन्दा तल छ । मंगलवारको शेयरमूल्य रू. ७४२ देखि बजारको अवस्था परीवर्तन भई सस्तिएमा रू. ६८८ मा टेवा पाउने र महँगिएमा रू. ८७७ मा प्रतिरोध पाउने देखिन्छ ।

प्रतिक्रिया [0]