कर्पोरेट डेभलपमेन्ट बैंक : कम्पनी विश्लेषण (सोमवार, १२ माघ २०७७)

कम्पनीले हकप्रद शेयर निष्कासन गर्न नियामक निकाय नेपाल धितोपत्र बोर्डमा निवेदन दिएको छ । कम्पनीले ३० लाख कित्ता हकप्रद शेयर निष्कासन गर्न नियामक निकायमा पुस २६ गते निवेदन दिएको हो ।

बिक्री प्रबन्धक सिभिल क्यापिटल मार्केट लिमिटेड रहेको छ । हकप्रद शेयर निष्कासन गर्न सेबोनमा निवेदन दिएसँगै कम्पनीको शेयर मूल्यमा वृद्धि भएको छ ।

कम्पनीको शेयर मूल्य आइतबार रु. २५ ले बढेर प्रतिकित्ता रु. ५४७ पुगेको हो । कम्पनीको शेयरमा बिक्रेताभन्दा खरिदकर्ता अत्यधिक भएकाले शेयर मूल्यमा वृद्धि भएको हो ।

निष्कर्ष
कम्पनीको ५९ दिनको कारोबार अवधिको अन्तिम दिनमा लङलेग्ड डोजी बनेको छ । यस्तो आकृतिले बजारमा कम्पनीको शेयर मूल्य बढ्ने वा घट्नेमा अन्योल रहेको संकेत गर्छ ।

आरएसआई ओभरबौज्ट जोन ९६ दशमलव ९० बिन्दुमा छ । यसले शेयर खरिद चाप बढी रहेको देखाउँछ । कम्पनीको स्ट्यान्डर्ड डेभिएसन ५८ दशमलव ७९ बिन्दुमा छ । उतारचढाव सामान्य रहेको देखाउँछ । यस्तो अवस्थामा जोखिम पनि कम हुन्छ भने प्रतिफल पनि कम प्राप्त हुने गर्दछ ।

त्यस्तै, कम्पनीको मुभिङ एभरेज २६ दिने औसत मूल्यरेखा र १४ दिने औसत मूल्यरेखा एकअर्का देखि टाढिएको छ । हालको मूल्यरेखा यी दुवै मूल्यरेखाभन्दा माथि छ ।

बिहीबारको शेयर मूल्य रु. ५७२ देखि बजारको अवस्था परिवर्तन भई मूल्य सस्तिए रु. ३२६ मा टेवा पाउने देखिन्छ । कम्पनीको यस दिनको मूल्य ५९ कारोबार दिनयताकै उच्च रहेको छ ।

प्रतिक्रिया [0]