स्वरोजगार लघुवित्त वित्तीय संस्था [आधारभूत तथा प्राविधिक विश्लेषण]

अभियान संवाददाता

साउन २७, काठमाडौं । स्वरोजगार लघुवित्त वित्तीय संस्थाले गत आवको चौथो त्रैमासीक वित्तीय विवरण सार्वजनिक गरेको छ । 

उक्त वित्तीय विवरण अनुसार कम्पनीको खुद नाफा अघिल्लो आवको चौथो त्रैमासको तुलनामा गत आवको सोही अवधिमा २ दशमलव ६ गुणाले वृद्धि भएको हो । 

कम्पनीले अघिल्लो आवमा रू ५ करोड ७२ लाख ३३ हजार खुद नाफा कमाएकोमा गत आवमा वृद्धि भएर रू. १५ करोड ४३ लाख २१ हजार पुगेको हो । गत आवमा कम्पनीको खुद ब्याज आम्दानीमा वृद्धि भएकाले, सञ्चालन नाफामा वृद्धि भएकाले रू. ९ करोड ३ लाख ४९ हजार खराब कर्जा संकलन गर्न कम्पनी व्यवस्थापन सफल भएकाले नाफा बढेको हो । 

अघिल्लो आवको तुलनामा गत आवमा कम्पनीको खुद ब्याज आम्दानी ३३ प्रतिशत र सञ्चालन नाफा ६० प्रतिशतले वृद्धि भएकाले नाफा बढ्न टेवा पुगेको हो । साथै कम्पनीले सम्भावित जोखिम बापतको व्यवस्थामा कम रकम छुट्याउदा सञ्चालन नाफामा वृद्धि हुन पुगि नाफा बढेको देखिन्छ ।  

कम्पनीले अघिल्लो आवमा सम्भावित जोखिम बापतको व्यवस्थामा रू. १३ करोड ६२ लाख ५९ हजार छुट्याएकोमा गत आवमा रू. ९ करोड ६९ लाख ६ हजार छुट्याएको हो । 

चुक्तापूँजी रू. ४१ करोड १२ लाख ७९ हजार रहेको कम्पनीले जगेडामा रू. २० करोड ७३ लाख ५३ हजार सञ्चित गरेको छ । गत आवको चौथो त्रैमाससम्ममा कम्पनीले रू. २ अर्ब ३७ करोड ४२ लाख ८० हजार सापटी लिएर, रू. २ अर्ब ५७ करोड ४६ लाख ७९ हजार निक्षेप संकलन गरी रू. ५ अर्ब ५६ करोड ७४ लाख ४५ हजार कर्जा लगानी गरेको हो । सो अवधिमा कम्पनीको प्रतिशेयर आम्दानी रू. ३७ दशमलव ५२, मूल्य आम्दानी अनुपात ३९ दशमलव ९८ टाइम्स, तरलता अनुपात ७ दशमलव २२ प्रतिशत र प्रतिशेयर नेटवर्थ रू. १५० दशमलव ४२ रहेको छ । 

प्राविधिक विश्लेषण :
मैनवत्ति चित्र :

               १३ मे २०२१                                                                                        ११अगष्ट २०२१

स्ट्यान्डर्ड डेभिएशन :

                      १३ मे २०२१                                                                          ११ अगष्ट २०२१

आरएसआई :

                          १३ मे २०२१                                                                     ११ अगष्ट २०२१

मुभिङ एभरेज :

                                      १३ मे २०२१                                                             ११ अगष्ट २०२१
 
निष्कर्ष :
कम्पनीको ६३ दिनको कारोबार अवधिको अन्तिम दिनमा कालो मारुबोजू बनेको छ । यस्तो आकृतिले बजारमा आगामी दिनमा कम्पनीको शेयरमूल्य घट्ने संकेत गर्छ । 

आरएसआई न्युट्रल जोन ४९ दशमलव ८० विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन २० दशमलव शून्य ४ विन्दुमा छ । उतारचढाव सामान्य रहेको देखाउँछ । 

यस्तो अवस्थामा जोखिम कम हुन्छ भने प्रतिफल पनि कम हुने गर्दछ । त्यस्तै कम्पनीको मुभिङ एभरेज २६ दिने औसत मूल्यरेखा र १४ दिने औसत मूल्यरेखा एकआपसमा टाढिएका छन् । 

हालको मूल्यरेखा २६ दिने औसत मूल्यरेखा नजिक छ । बुधवारको शेयरमूल्य रू. १ हजार ५१५ देखि बजारको अवस्था परिवर्तन भई मूल्य सस्तिएमा रू. १ हजार ४६२मा टेवा पाउनेर महंगिएमा रू. १ हजार ५६० मा प्रतिरोध पाउने देखिन्छ ।

प्रतिक्रिया [0]