३० % हकप्रद शेयर निष्कासन गरिरहेको शिखर इन्स्योरेन्सको कम्पनी विश्लेषण :

अभियान संवाददाता

चैत ९, काठमाडौं ।  शिखर इन्स्योरेन्स कम्पनीले गत चैत १ गतेदेखि ३० प्रतिशत हकप्रद शेयर निष्कासन गरिरहेको छ । 

कम्पनीले १ः०.३ अनुपातमा रू.१००  अंकित दरको ५२ लाख ७५ हजार ५७२ कित्ता हकप्रद शेयर निष्कासनमा ल्याएको हो ।  उक्त हकप्रद शेयरमा शेयरधनीले चैत २१ गतेसम्म आवेनद दिन सक्नेछन्। 
कम्पनीले हकप्रद शेयर निष्कासन प्रयोजनको लागि गत माघ २१ गते नै बुक क्लोज गरिसकेको छ ।

यस आधारमा माघ २० गतेसम्म कायम शेयरधनीले साधारण सभामा भाग लिन सक्नेछन् । हाल कम्पनीको चुक्तापूँजी रू. १ अर्ब ७५ करोड रहेको छ । यो हकप्रद शेयर निष्कासन बाँडफाँटपछि पूँजी रू. २ अर्ब २८ करोड पुग्नेछ । 

कम्पनीले निष्कासन गरेको हकप्रद शेयरलाई इक्रा नेपालले  इक्राएनपी आइआर ए  रेटिङ प्रदान गरेको छ । यस्तो रेटिङले कम्पनीले समयमा वित्तीय दायित्व पुरा गर्ने सम्बन्धमा पर्याप्त मात्रामा सुरक्षित रहेको देखाउँछ ।

धितोपत्र निष्कासन तथा विक्री प्रबन्धकमा एनआइबिएल एस क्यापिटल लिमिटेड रहेको छ । साथै आवेदकले मेरो शेयर सफ्टवेयरमार्फत हकप्रद शेयरमा आवेदन दिन सक्नेछन् । हालसम्ममा कम्पनीले आव २०७७/ ७८ को लाभांश भने घोषणा गरेको छैन । आव २०७६/ ७७ सम्मको मुनाफाबाट कम्पनीले शेयरधनीलाई २७ दशलमव ७७ प्रतिशत बोनस शेयर र १ दशलमव ४६ प्रतिशत नगद लाभांश वितरण गरेको थियो । 

कम्पनीले विगत चार ओटा आवमा शेयरधनीलाई दिएको लाभांश यस प्रकार रहेको छ । कम्पनीले  आव २०७४/ ७५ र २०७५/ ७६ मा शेयरधनीलाई कुनै पनि लाभांश भने दिएको छैन । 

विगत ४ वर्षको लाभांश विवरण :

५ ओटा आवको वार्षिक वित्तीय अवस्था( रु. हजारमा) :

उक्त कम्पनी निर्जीवन बीमा कम्पनीमध्येकै सबैभन्दा बढी चुक्तापूँजी भएको कम्पनी हो । हाल कम्पनीको चुक्तापूँजी रू. १ अर्ब ७५ करोड रहेको छ । यो हकप्रद शेयर निष्कासन बाँडफाँट पश्चात पूँजी रू. २ अर्ब २८ करोड पुग्नेछ ।

चालू आवको दोस्रो त्रैमाससम्ममा कम्पनीले निर्जीवन बीमा कम्पनीमध्ये सबैभन्दा बढी अर्थात् रू. २४ करोड ३० लाख नाफा कमाएको छ । त्यसैगरी नाफासँगै  कम्पनीले पुस मसान्तसम्ममा कुल रू. २ अर्ब ३५ करोड बीमाशुल्क आर्जन गरेको छ ।

हालसम्ममा कम्पनीले ९२ ओटा शाखा कार्यलयहरुबाट निर्जीवन बीमा सेवा प्रदान गर्दै आएको छ । कम्पनीको प्रधान कार्यालय शिखर बिज सेन्टर थापाथली, काठमाडौंमा रहेको छ ।  कम्पनीको प्रमुख कार्यकारी अधिकृतमा दिप प्रकाश पाण्डे रहेका छन् भने अध्यक्षमा राजेन्द्र प्रसाद श्रेष्ठ रहेका छन् । 

५ ओटा आवको नाफाको ट्रेण्ड चार्टमा :

 प्राविधिक विश्लेषण

मैनबत्ती विश्लेषण :

 

बुधवार कम्पनीको शेयरमूल्य प्रतिकित्ता रू. १ हजार ३९५ कायम भएको छ । यो शेयर मूल्य अघिल्लो कारोबार दिनको तुलनामा २ रुपैयाँ २० पैसाले कमि आएको हो । यो दिन कम्पनीको २ हजार ६३६ कित्ता शेयर खरीदविक्री भएको छ । कम्पनीको शेयरमूल्य विगत चार दिनदेखि साइडवेजमा चलिरहेको छ ।

यसबाट के बुझ्न सकिन्छ भने कम्पनीको शेयरमूल्य अव यहि कतै विन्दुबाट टेवा पाएर माथि जाने देखिन्छ । बुधवारको कारोबार अवधिमा भने पुच्छर भएको कालो मैनबत्ती आकृती बनेको छ । यस्तो आकृतीले कम्पनीको शेयरमूल्य घट्ने संकेत देखाउँछ । 
( यद्यपि हामीले उपलब्ध तथ्याङ्कको अधारमा गरेको विश्लेषण आफैंमा पूर्ण होइन, लगानीकर्ताले लगानी गर्नुपूर्व कम्पनीको समग्र आधारभुत पक्ष र प्राविधिक पक्ष हर्नु आवश्यक हुन्छ ।)

 

 

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस