छैटौं न्यूबिज बी–स्कूल रेटिङस्, र्‍याङकिङ्स् एन्ड अवार्डस् : के भन्छन् निर्णायक मण्डल ?

अभियान संवाददाता

आचार संहिता बनाएर निर्णय गरेका छौं

किशोर थापा 
अध्यक्ष
निर्णायक मण्डल

जुरी कमिटीले सहज कार्यसम्पादनका लागि आचारसंहिता बनाएका थियौं के गर्न हुने र के गर्न नहुने भनेर । हामी त्यसैलाई पछ्याएर निर्णयमा पुगेका हौं । मूल्यांकन प्रक्रियालाई गोप्य राख्ने र कुनै पनि आचारसंहिता विपरीत काम नगर्नु पहिलो चुनौती हो । त्यसैले आयोजक संस्था न्यू बिजनेश एजलाई पनि हामीले गरेका काम कारबाहीका बारेमा संलग्न नगरी अलग गर्ने गरेका छौं । 

स्वतन्त्र रूपमा दबाबविना काम गर्न पाउनुपर्ने हाम्रो मागलाई आयोजकले सहज रूपमा लिइदिनु भयो । त्यसका लागि विशेष धन्यवाद दिन चाहन्छु । निष्पक्ष र दबाबरहित वातावरण हामीले बनायौं । सकेसम्म विवाद नहुने गरी हाम्रो विवेकले भ्याएसम्म विवेक प्रयोग गरेका छौं ।

हाम्रै निर्देशनअनुसार मूल्यांकन भयो । हामीले केही अब्जेक्टिभ क्राइटेरिया पनि बनाएका थियौं । जुरीलाई १५ नम्बर मात्र अधिकार दिएका थियौं । त्यो सबै जुरीका सदस्यले प्रयोग पनि गर्नुभयो । 

यसलाई भोटिङ नभई स्वविवेकमा रहेर निर्णय गरेका छौं र हामीले जे निर्णय गरेका छौं, त्यसको सबै जिम्मेवारी पनि लिन्छौं ।

कसैका केही गुनासा छन् भने हामी जिम्मेवारी लिन्छौं । हामी  वस्तुपरक र निष्पक्ष बनेका छौं र दर्शकले हेर्दा पनि प्रश्न नउठ्ने गरी गरेका छौं । जुन जुन कलेज छानिए, ती राम्रै कलेज हुन् भन्ने गरी काम गरेका छौं । बिजनेश एजुकेशनमा अवार्डको आफ्नै प्रकारको महत्त्व हुन्छ । यसका लागि सम्मानित हुने कलेज र आयोजकलाई विशेष धन्यवाद व्यक्त गर्दछु ।

यथार्थ र वस्तुपरक निर्णय गर्ने प्रयास गरेका छौं

भुवनराज जोशी
सदस्य
निर्णायक मण्डल

हामीले व्यावसायिक तरीकाबाट मूल्यांकन गरेका छौं । हामी त्यतिकै जुरीमा बसेका होइनौं । उहाँहरू एकेडेमिक मान्छे हो । उहाँहरूले गरेको कामको मूल्यांकन गर्न त्यति सहज थिएन । हाम्रो कन्सेप्ट कहिले पनि त्यहाँ आएन । आफ्नो कुराहरू शेयर गर्‍यौं । यथार्थ र वस्तुपरक निर्णय गर्ने प्रयास गरेका छौं ।

पुरस्कार नपाउनेले हतोत्साहित हुनुपर्ने केही पनि छैन । भोलि आफूले पनि पाउन सक्नुहुन्छ । अर्को साल पनि आयोजकहरूले यो कार्यक्रम गर्नुहुन्छ । अझै पुरस्कृत हुँदै जाँदा प्रतिक्रिया राम्रो आउँछ । नेपालमा यस्ता अवार्ड कम हुन्छन् । सबैले पाउँदैनन् । त्यसैले केही नहुनुभन्दा केही हुनु राम्रो कुरा हो । बिजनेस स्कूलहरूका लागि यस्तो अवार्डले विशेष महत्त्व राख्छ । किनकि यसले मार्केटिङ र ब्राण्डिङलाई सहयोग गर्छ । चुुनौती पनि थपिन्छ । पुरस्कार पाउनु ठूलो कुरा होइन, त्यसलाई जोगाइराख्नु ठूलो कुरा हो । उहाँहरूलाई हामी  अब तल जानु हुन्न है भन्ने लागोस् र अन्य कलेजलाई पनि हामीले पनि बेस्ट गर्नुपर्छ भन्ने लागोस्, ।यही अवार्डको उपलब्धि हो ।

उहाँहरूले के गर्नुभएको रहेछ, अवार्ड पाउँदा के चीज राम्रो रहेछ, हामी पनि त्यो सिकौं भन्ने अरूलाई पनि लागोस् । विजेताहरूलाई बधाई दिन चाहन्छु । राम्रो गर्नुस्, अझै उत्कृष्ट हुनुस् । अझै धेरै गर्न बाँकी छ । 

न्यू बिजनेश एज गतिशील समूह हो । व्यावसायिक तरीकाले व्यवहार गर्ने उहाँहरूको तरीका मलाई ठीक लाग्यो । हरेक कुरा व्यावसायिक ढंगबाट जाने, जुरीमा पनि प्रोफेसनल नै तरिकाले जानुभयो । अलिकति इथिकल हो कि भन्ने लाग्यो मलाई । यो उहाँहरूले सृजना गरेको प्लेटफर्म पनि हो । आजको छलफल राम्रो थियो । यसले शैक्षिक क्षेत्रका जति पनि विज्ञहरू छन् उहाँहरूलाई हामीले अब यसरी सोच्नुपर्ने रहेछ, हामीले सधैं पढाएर मात्र नहुने रहेछ भन्ने लागोस् । हिजो पनि थियो होला । तर आज झनै स्पष्ट भयो । हामीले म्यानेजर निकाल्ने कि खाली सर्टिफिकेट निकाल्ने हो भन्ने समग्रमा कलेजहरू स्पष्ट हुनुभयो ।

प्रतिक्रिया [0]