शतप्रतिशत हकप्रद शेयर निष्कासन गर्ने तयारीमा रहेको नारायणी डेभलपमेन्ट बैंकको कम्पनी विश्लेषण

अभियान संवाददाता

भदौ २१, काठमाडौं । नारायणी डेभलपमेन्ट बैंक शतप्रतिशत हकप्रद शेयर निष्कासन गर्ने तयारीमा रहेको छ । कम्पनीले प्रतिकित्ता रू. १०० अंकित दरका २६ लाख २४ हजार ६७६ कित्ता हकप्रद शेयर निष्कासन गर्ने तयारी गरिरहेको छ ।

कम्पनीले हकप्रद शेयर निष्कासन गर्नका लागि नियामक निकाय नेपाल धितोपत्र बोर्डमा निवेदन दिइसकेको छ । शेयर निष्कासन तथा विक्री प्रबन्धकमा ग्लोबल आइएमई क्यापिटल लिमिटेड रहेको छ ।

बोर्डबाट स्वीकृती पाएपछि कम्पनीले हकप्रद शेयर निष्कासन गर्नेछ । हाल कम्पनीको चुक्तापूँजी रू. २६ करोड २४ लाख रहेको छ । शतप्रतिशत हकप्रद शेयर निष्कासन बाँडफाँट पछि कम्पनीको चुक्तापूँजी रू. ५२ करोड ४९ लाखभन्दा बढी पुग्नेछ । कम्पनीले यसभन्दा अगाडि पनि शतप्रतिशत हकप्रद शेयर निष्कासन गरेको थियो । 

गत आवको चौथौ त्रैमाससम्ममा कम्पनी रू.१ करोड ५७ लाखभन्दा बढी नोक्सानीमा रहेको छ । अघिल्लो आवको सो अवधिमा पनि कम्पनी रू. १ करोड १९ लाख नोक्सानीमा थियो । गत आवमा कम्पनी नोक्सानीमा गएसँगै प्रतिशेयर आम्दानी रू. ८ दशमलव ८८ ऋणात्तमक रहेको छ ।

त्यसैगरी कम्पनीको तरलता अनुपात ६६ प्रतिशत र प्रतिशेयर नेटवर्थ रू. ५७ दशमलव ६६ रहेको छ । गत आवको चौथौ त्रैमाससम्ममा कम्पनीले रू. ३३ करोड ६६ लाख निक्षेप संकलन गरेर रू.३४ करोड २० लाखभन्दा कर्जा लगानी गरेको छ ।

हालसम्म कम्पनीले शेयरधनीलाई कुनै पनि लाभांश दिएको छैन । मंगलवार कम्पनीको शेयरमूल्य प्रतिकित्ता रू. ४३० कायम भएको छ । यो शेयरमूल्य अघिल्लो कारोबार दिनको तुलनामा भने ३ रुपैयाँ ९ पैसाले घटेको हो ।

५२ हप्तामा कम्पनीको शेयरमूल्य उच्च प्रतिकित्ता रू. १ हजार ३५ दशमलव १० सम्म पुगेको थियो भने न्यून रू. ३१७ दशमलव ७० सम्म झरेको छ । 
पछिल्लो समय लगानीकर्ताहरुले धेरै पूँजीभन्दा पनि थोरै पूँजी भएको कम्पनीको शेयरमा बढी ट्रेड गरेको देखिन्छ । कम पूँजी र कम शेयरमूल्य भएका कम्पनीको शेयरमा लगानीकर्ताको आकर्षण बढी छ । सोही कारण केही बजार बढ्ने वित्तीकै कम पूँजी भएका कम्पनीहरुको शेयरमूल्य ह्वात्तै बढेको देखिन्छ । 

कम्पनीको प्रमुख कार्यकारी अधिकृतमा पशुपति पौडेल रहेका छन् । त्यस्तै कम्पनीको अध्यक्षमा राम प्रसाद रुपाखेती रहेका छन् । सञ्चालकहरुमा गणेश मान प्रधान, रमेश पौडेल र स्वतन्त्र सञ्चालकमा बलराम पौडेल  रहेका छन् । 

चौथो त्रैमासिक वित्तीय विवरण अनुसार कम्पनीको वित्तीय अवस्था :

मैनबत्ती चित्र 

    
७ जुन २०२२                                                                                       ६ सेप्टेम्बर २०२२
७५ दिनको कारोबार अवधिको अन्तिम दिनमा लामो पुच्छर र सानो टुप्पि भएको कालो मैनबत्ती आकृती बनेको छ ।यस्तो आकृतीले कम्पनीको शेयरमूल्य आगामी दिनमा घट्ने सँकेत देखाउँछ । 
आरएसआई

७ जुन २०२२                                                                                       ६ सेप्टेम्बर २०२२
: ७५ दिनको कारोबार अवधिमा आरएसआई ४३ दशमलव २० विन्दुमा रहेको छ । यो न्यूट्रल जोनमा रहेको हो । यस्तो अवस्थामा खरीदविक्री चाप सन्तुलनमा रहेको देखाउँछ ।  
    स्ट्याण्डर्ड डेभिएसन

                         
७ जुन २०२२                                                                                       ६ सेप्टेम्बर २०२२
: ७५ दिनको कारोबार अवधिमा स्ट्याण्र्ड डेभिएसन ५ दशमलव ९७ विन्दुमा रहेको छ । यस्तो अवस्थामा न्यून रहेको छ । यस्तो अवस्थामा लाभ पनि कम हुन्छ भने जोखिम पनि कम हुने देखिन्छ । 
मुभिङ एभरेज

७ जुन २०२२                                                                                       ६ सेप्टेम्बर २०२२

: हालको शेयर मूल्य ७ दिने र १४ दिने रेखाको तल रहेको छ ।   यस्तो अवस्थामा ७ दिने रेखाले २६ दिने रेखालाई तलबाट काटेर माथि गएमा शेयर मूल्य बढ्ने गर्दछ भने २६ दिने रेखामा प्रतिरोध पाएर फर्किएमा मूल्य घट्ने देखिन्छ । कम्पनीको मंगलवारको शेयर मूल्य प्रतिकित्ता रू. ४३० देखि सस्तिएमा  रू ४२० मा टेवा पाउने देखिन्छ भने मंहंगिएमा रू. ४५० मा प्रतिरोध पाउने देखिन्छ  । ( सावधानी : हामीले उपलब्ध तथ्याङ्कको अधारमा गरेको विश्लेषण आफैमा पुर्ण होइन , लगानीकर्ताले लगानी गर्नु पूर्व कम्पनीको समग्र आधारभुत पक्ष र प्राविधिक पक्ष हर्नु आवश्यक रहेको छ ।

प्रतिक्रिया [0]