चिलिमे जलविद्युत कम्पनी : कम्पनी विश्लेषण (मंगलवार, ११ असोज २०७९)

अभियान संवाददाता

आधारभूत विश्लेषण

जलविद्युत क्षेत्रका कम्पनीहरूमध्ये लाभांश वितरणमा आकर्षक मानिएको चिलिमे जलविद्युत कम्पनीले गत वर्षको लाभांश सार्वजनिक गरेको छैन् । कम्पनीले गत वर्ष १५ प्रतिशत लाभांश वितरण गरेको थियो । कम्पनीले गत वर्ष ७ दशमलव ५ प्रतिशत बोनस शेयर र कर प्रयोजन समेतका लागि ७ दशमलव ५ प्रतिशत नगद लाभांश वितरण गरेको थियो ।

गत वर्षको तुलनामा यस वर्ष बढी लाभांश वितरण गर्ने अपेक्षा लगानीकर्ताहरूको छ । गत आर्थिक वर्षको चौथो त्रैमाससम्मको अपरिस्कृत वित्तीय विवरण अनुसार कम्पनीले रू. ७६ करोड ७८ लाखभन्दा बढी खुद नाफा गरेको छ । अघिल्लो वर्षको सोही अवधिसम्मको तुलनामा कम्पनीले १४ दशमलव ९३ प्रतिशत बढी खुद नाफा गरेको हो ।

कम्पनीले विद्युत विक्रीबाट अघिल्लो वर्षभन्दा करिब ५ प्रतिशत बढी रू. १ अर्ब १८ करोड १७ लाखभन्दा बढी आम्दानी गरेको छ । हाल कम्पनीको चुक्तापूँजी रू. ६ अर्ब ७५ करोड १७ लाख ९४ हजार रहेको छ । धितोपत्र दोस्रो बजारमा कम्पनीको शेयरमूल्य प्रतिकित्ता रू. ३५७ रहेको छ । पछिल्लो कारोबार दिन कम्पनीको शेयरमूल्य प्रतिकित्ता रू. १ ले घटेको हो ।

निष्कर्ष

कम्पनीको ७० दिनको कारोबार अवधिको अन्तिम दिनमा बुलिश प्रवृत्तिको टुप्पी र पुच्छर सहितको मैनबत्ती बनेको छ । यस्तो आकृतिले बजारमा आगामी दिनमा कम्पनीको शेयरमूल्य हालकै प्रवृत्तिमा निरन्तर हुने संकेत गर्छ । आरएसआई न्युट्रल जोन ३१ दशमलव ४० विन्दुमा छ । यसले शेयर खरिदबिक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन ३ दशमलव ४३ विन्दुमा छ । उतारचढाव न्यून रहेको देखाउँछ ।

यस्तो अवस्थामा जोखिम कम हुन्छ भने प्रतिफल पनि कम हुने गर्दछ । त्यस्तै कम्पनीको मुभिङ एभरेज २६ दिने औसत मूल्यरेखा र १४ दिने औसत मूल्यरेखा एकअर्कामा टाढा छन् भने हालको मूल्यरेखा यी दुबै मूल्यरेखा भन्दा तल छ । आइतवारको शेयरमूल्य रू. ३५७ देखि बजारको अवस्था परिवर्तन भई मूल्य महँगिएमा रू. ३९४ मा प्रतिरोध पाउने देखिन्छ भने मूल्य सस्तिएमा रू. ३५४ मा पहिलो टेवा पाउने देखिन्छ ।

सावधानी : हामीले उपलब्ध तथ्याङ्कको अधारमा गरेको विश्लेषण आफैमा पुर्ण होइन, लगानीकर्ताले लगानी गर्नु पूर्व कम्पनीको समग्र आधारभुत पक्ष र प्राविधिक पक्ष हर्नु आवश्यक रहेको छ ।

प्रतिक्रिया [0]