१० वर्षअघिको आर्थिक अभियानबाट : युद्धका बेला सुनचाँदीभन्दा बियर मूल्यवान् 

बियरको उच्च विक्रीले एउटा युद्धको अवस्था नै परिवर्तन गरेको हालैको एक अध्ययनले देखाएको छ । द जर्नल अफ अमेरिकन एशोसिएशन अफ वाइन इकोनोमिस्ट्सको अप्रिल अंकमा प्रकाशित एक रिपोर्टमा डच (नेदरल्याण्ड्स) का बासिन्दाले सन् १६४८ मा स्पेनविरुद्धको युद्ध जित्न बियर विक्रीबाट उठेको करको महत्त्वपूर्ण भूमिका रहेको देखाएको छ । बेल्जियमको युनिभर्सिटी अफ लेउभेनका अर्थशास्त्री कोएन डिकोनिंक र अमेरिकाको स्टानफोर्ड युनिभर्सिटीका अर्थशास्त्री प्राध्यापक जोहान स्वीनेनले संयुक्त रूपमा तयार पारेको उक्त रिपोर्टमा स्पेनसँगको युद्धताका बियर विक्रीबाट उठेको राजस्व नेदरल्याण्ड्सका लागि आम्दानीको एकमात्र स्रोत थियो । 

‘त्यस समयको विश्वकै सबैभन्दा शक्तिशाली राज्य (स्पेन)को सामना गरिरहेका डचहरूका लागि बियर एक महत्त्वपूर्ण उत्प्रेरणात्मक पेय पनि थियो,’ रिपोर्टमा भनिएको छ । 

वर्ष ६, अंक २१४, बुधवार, ६ वैशाख, २०६९

प्रतिक्रिया [0]